මොරටුවත් ලස්සනයි

මහවැලිය තරමටම

බොල්ගොඩත් ලස්සනයි..

යන්ත්‍ර මෙන් දිව්වාට 

ඒ හිතුත් ලස්සනයි..

කදු වලා නැතුවාට 

කජු කැලෙත් ලස්සනයි..

ගිම්හානෙ පෙම් බැන්ද 

මොරටුවත් ලස්සනයි..

- රුචිර වීරකෝන් -

06.03.2020

"වල" කැන්ටිමේ ගෙවූ හවස්

ආදරණීය වල,

එදා මෙන් අද සවස් වරුවෙත් වලට මහ 

වැසි එන්නැතී..

කවි ලියන්නට පෙම් කරන්නට කවුරුත් ම 

එහි නැතුවැතී..

රෑ ගනන් මෙහි පහන් කල හැටි සිහි වෙවී 

හඬමින් ඇතී..

වැස්ස එක්කම අපිත් එනකල් මග බලාගෙන 

තව ඇතී..

-රුචිර වීරකෝන්-

07.06.2020

ගෙවුනු මතක

හසරැල් කදුලැල් විරහව සෙනෙහස 

දුන්නු ලැබුනු හිත් යාය පුරා..

මහ රෑ වෙනකන් අඩි හැඩ වැඩ කර 

නැටූ ගැයූ අපි වෙහෙස දරා..

අද හරි පාලුයි එදවස් සිහි වෙයි 

අපේ රුව මැවී භවන පුරා..

මතකය මිහිරියි උබලව සිහි වෙයි 

මම තනිවී ඇත මතක දරා..

- රුචිර වීරකෝන් -

01.03.2020