"උඹලා මොනවද බන් දන්නෙ?"

"උඹලා මොනවද බන් දන්නෙ?"

දෙමව්පියන්ගෙ සල්ලි වලින් කාලා ඇදල,

සැප පහසු ගේ ඇතුලෙ ඉදන් ලෝකය දැකපු උබල,

ඩිග්‍රියක් කරන පලියට හිතුවනම් තමන් නොදන්න දෙයක් නෑ කියල,

තමන්ට තරම් අත්දැකීම් ලොවෙත් නෑ කියල,

තමන්ගෙ තීරනේ තමයි හරිම කියල

තමුන්ට පහල ඉන්න එකාට වඩා තමුන් හෙන බුද්ධිමත් කියල,

පහල ඉන්න එකාව තලන්න කලින් පොඩ්ඩක් හිතුවනම්..

උබ උදේ වාහනේ ඉස්කෝලෙ ලගින් බහිද්දි,

උදේ 4.30ට නැගිටලා කිලෝ මීටර් ගානක් ෆුට් බයිසිකලේ ගිහින් තව පැයක් විතර බස් එකේ ගිහින් ඉස්කෝලෙ යන එකාට අව් වැසිවත් අනුකම්පාවක් නැති බව උඹ දන්නෑ..

අලුත් වාරෙට ලස්සන පොත්, ස්ටිකර් ගන්න බලං ඉන්න උඹ,

අලුත් පොත් ටික ගන්න සල්ලි නැතුව ගෙවල් ගානෙ ගිහින් පොල් කටු එකතු කරලා ඒවා පුච්චල සල්ලි එකතු කරපු උන් ඉන්න බව උඹ දන්නෑ..

අඩුම ගානෙ පොල්කටු දුමේ තියන අමුතු ආතල් එකවත් උඹ දන් නෑ..

එහෙව් උන්ගෙ දුක උඔ දන්නෑ..

එහෙව් දුක් විදපු එවුනුත් උබත් එක්ක එකම මට්ටමේ හරි හරියට ඉගෙන ගන්න බව උඔ දන්නෑ..

හැමදේම උඹේ තලයෙන් බලලා ආ රැ.1000 නම් මොකක්ද කියල event වලට සල්ලි එකතු කරන උඹ,

ගෙදරට සල්ලි ටිකක් යවන්න මහපොල එනකං ඉන්න උන් ටිකකුත් ඉන්න බව දන්නෑ..

Internship ගිහින් ඒක තමයි පට්ටම ජොබ් experience එක කියල හිතං ඉන්න උඹලා,

ග්ලවුස් නැතුව ගඩොල් පෝරණුවක් බාද්දි අත් දෙකේ හම යන හැටි දන් නෑ..

පෝරණුවක් ගිනි තියන හැටි දැකල නෑ..

තරැණ කොල්ලො කෙල්ලො සොච්චම් පඩියට Factory ඇතුලෙ විදින දුක දන් නෑ..

Gym ගිහින් බර උස්සන උබල,

පට්ට අව්වෙ කුඹුරක් පෝරැ ගානකොට 

මඩත් එක්ක පෝරැව එහෙ මෙහෙ කරන්න කොච්චර හයියක් ඕනද දන් නෑ..

කදුකරේ මිනිස්සු යන්න පාරක් නැතුව කදු හරහා බර උස්සන් යන හැටි දන්නෑ..

KFC, Pizza Hut යන උබල,

ලුනුයි බතුයි වල රස අදුරන් නෑ..

FB එකේ සතෙක් මැරිල හිටියත් අනේ කියන උඹල,

මිනිස්සු විදින දුක අදුරන නෑ..

ටයිල් පොලවෙ සුමට බව දකින උබල,

ගොම මැටි ගාපු පොලවෙ සීතල දන් නෑ..

තැලිල තැලිල මුවහත් වෙච්ච මිනිස්සු

කවද හරි උබව පහුකරන් යද්දි,

ඒක සිද්ධ වෙනකනුත් උඹ ඒක දන්නෑ..

ජීවත් වෙයන් පොලවෙ පය ගහල

ඉපදෙන මැරෙන මිනිස්සු වගේ

ඇස් ඇරල බලපං ලෝකය දිහා

උබට දැනේවි

“උබල මොනවද බන් දන්නෙ?”

ඒත් ඒකත් උබ දන් නෑ